التعويضات للضحايا

طبعا بعد ما المصيبة حصلت و الناس ماتت طلعو علينا ب 5000 جنيه لكل أسرة متوفي بعدين لما الناس صوتها علي و المنظر العام بقى وحش قام سيادته أصدر قرار بصرف 30 ألف تعويض لكل متوفي

النهاردة و أنا قاعد مع شلة الأنس واحد من الشلة قال النهاردة الخطيب كان بيخطب على موضوع التعويضات

و ازاي الموضوع ده فاشل و بيسأل يعني إيه تعويضات ؟!! الإسلام فيه حاجة إسمها دية للمتوفي

ولا هما يمشو الإسلام في الورث بس !!!

و قال إن الدية نوعين :

نوع لما يكون القتل دون إهمال :

و نوع لما يكون القتل بسبب إهمال :

دون إهمال ما يعادل 100 ناقة ما تضحكوش الناقة ب 5000 جنيه

يعني 5000*100 = نص مليون لكل أسرة ده لو إفترضنا إن مفيش إهمال

أما بقى لو فيه إهمال ف يكون ما يعادل 200 ناقة يعني مليون جنية لكل أسرة متوفي

بس ممكن يجيبو المفتي يقول أصل الناقة ممكن تبقى حمار أو أي شيء يركب و ليس شرطا أن يكون جمل

كل شيء جايز