فوقلنا

لأننا مش قدكم

ولا بنركب زيكم

و لأننا ولاد زنى

مفيش حد فينا سرق

ولا حد فينا إغتنى

عايزين بس نقولكم

لو إحنا ملينا البلد

و حاجة بيئة

ملهاش عدد

ابقو قولولنا

دام عزكم

غور يا واطي من هنا

لأننا ساكتين و حارقين في دمنا

لأننا

أخدنا على عيشت المرمرغة

في التراب

و قلنا على السؤال جواب

كان القضاء و القدر

مين السبب

مين الي طهق أمنا

بحريق قطار

بحريق عشش

بحريق مسارح

يالي سارح

ركزلنا

فوقلنا

و سيبك من ام السلام

تعالى بص عالزحام

و عالأكياس المتلوثة

الي بتشيل في دمنا

طب قولنا

و إحنا نسيبلك عزبتك

بشحمها

و لحمها

و إوعى تتكسف مننا

مش إحنا ولادك يا عمنا ؟

ولا إحنا ولاد زنى ؟!!!