التوربيني : شماعة الحكومة الجديدة

كثيرة مصائبنا كثيرة مطالبنا فأين الحقوق

أين كرامتنا و أين إنسانيتنا يا معدومي الذوق

طبعا المصائب بتاعت الحكومة كترت و بيني و بينكم الريحة بقت وحشة .

فلازم يكون في فرقعة إعلامية ، يعني حتة إخوان و حته إرهاب و دين و حتة زيادة معدل نمو على خطاب سياسي على كلمتين في مجلس الشعب على قضية توربيني كله يبقى تمام . و التوربيني يقدر يشيل عن الحكومة كتير يعني مثلا شيلوه حادثة قطر من الكام حادثة و و بعد التحليل ممكن يقولك التوربيني هو الي نشر الإيدز في مصر

و ممكن هو الي عمل فيروس أنفلونزا الطيور .

و كمان التوربيني هو سبب إنتشار فيديو التعذيب أمال ايييييييييه أصله كان متنكر في زي ضابط و كان بيضرب و يغتصب الناس هو برده في ضباط بيعملو كدة ؟!!!

يا جماعة الضباط دول طيبين جدا تشوف السماحة في وشهم و ماتشوفش بجاحة في عينهم

يا ريت على كدة و بس لأ كمان التوربيني سرق صناديق الإنتخابات علشان كدة الإخوان كسبو مقاعد كتيرة و أنا بضم صوتي مع الحكومة الحزب الوطني لازم ياخود مقاعد أكتر فعلا و يبقى

حاميهااا حراميهااااا

صبرنا يا رب

الشوري يحذر من تحويل اقتصاد مصر إلى حقل تجارب

الشوري يحذر من تحويل اقتصاد مصر إلى حقل تجارب 12/7/2006 10:01:00 AM
القاهرة - حذرت اللجنة الخاصة المستقلة لدراسة خطاب رئيس الجمهورية بمجلس الشوري من تحويل الاقتصاد المصري الي حقل تجارب.
وطالبت اللجنة خلال اجتماعها الأربعاء بإعادة التوازن في الهياكل الاجتماعية لجميع القوي البشرية لتضييق الفوارق بين الطبقات.
قال محمد فريد خميس رئيس لجنة الصناعة ان المستثمر قوي في بلده وضعيف في أي بلد اخر والخوف يولد الضعف.
وقال ان الاستثمار يحتاج الي قوانين حديثة وملزمة وقضاء عادل.
وانتقد الدكتور نبيل لوقا وجود قوانين جاذبة للاستثمار في مصر وقوانين أخري طاردة.
وقال ان قانون منح مصلحة الضرائب حق الحجز الاداري علي المستثمرين يضر الاستثمار ويعتبر سبوبة لبعض ضعاف النفوس من موظفي الضرائب.
وقال ان هذا القانون غير موجود في أي دولة، حسبما ذكرت جريدة الوفد.
واعترض علي قيام مأمور الضرائب بالجرد والفحص والحجز والمحاسبة.
وطالب بتطبيق التجارب الناجحة في البلاد الاخري بدون تعال أو إحساس بالنقص.
وانتقد الدكتور رأفت رضوان العنترية في اصدار القرارات التي تضر بالاقتصاد.
وأوضح ان ما ورد في خطاب الرئيس مبارك حول حرية اختيار التوجه الاقتصادي يعني اتاحة تداول السلطة.
وطالب بالتركيز علي الحد من مشكلة البطالة التي تستغرق 90% من مناقشات المجلس.
ودعا الدكتور شوقي السيد الي أهمية التنسيق بين الاصلاحات ومعالمها واجراء اصلاحات اجتماعية لاعادة التوازن في القوي البشرية.
وقال الدكتور أسامة شلتوت ان تفشي مشكلة البطالة إهانة كبيرة وتحتاج الي جهد كبير للحد منها بدون أن نضحك علي بعض.
وانتقد ناجي الشهابي البيانات التي تقدمها الحكومة حول الاستثمار وقال انها غير صحيحة

منقول من موقع مصراوي

متى أقول أحبك؟

قلت سأقول أحبك
بعد بضع ثوان
قلت سأطفىء نار حيرتي

و سأزرع الحديقة ،
و البستان ْ .
و سأبني قصرا من رمشك الأسود
و من عينيك أغطيه بالألوان ْ
و أنظم كل حديث بيننا
كقصيدة شعر ٍ
للأولاد و الجيران ْ
و رحت أبحث في عينيك عن جواب
ما بين الرموش و الأهداب
ما بين عذاب ٍ و عذاب ْ
فلم أجد ضالتي
و رحلت ُ قائلا
ليس الاّن
ليس الاّن ْ
و بقيتي يا حبيبتي في الدفتر ْ

قصيدة طي الكتمان ْ

ناجي العلي

هذا الكاركاتير لناجي العلي رحمه الله

ولا تعليق !

الكرة في مصر : الأهلي و كائنات أخرى ...

ألف مبروك للأهلاوية

ألف مبروك للناس الي بتفهم في الكورة

ألف مبروك لأبو تريكية مش كاس أحسن لاعب

ولا هداف بطولة

بل لأنه إكتسب حب الناس

أبوتريكة فعلا ما تزعلش

بس إنت كتبت تاريخ عن جيل بحاله

ربنا يحفظك لينا

التسرع

مش عارف ليه دايما لما أجي أكتب بكون متسربع أكن في حد بيجري ورايا و أنا بكتب و الناس بتكتب كتير في موضوع معين و يفتحو الموضوع من جميع النواحي أما أنا لأ أبقى عارف معظم النواحي و أصل لفكرة أروح كاتب الفكرة طيب الي قدامي يفهم إزاي !

بحاول الفترة دي أكتب بالراحة ده انا حتى في الإمتحانات مش بكتب القوانين بعوض على طول !

يلا مش مهم ، نهايته . أنا بقى متحمس جدا اليومين دول مستني متش الأهلي يوم الأحد الجاي إن شاء الله ممكن حد يقولي إيه التفاهة دي هرد و أقول دي الحاجة الوحيدة الي ما بحسش إني بتفرج على مسلسل عربي و أنا بتابعها

ولا حورات مجلس شعب فكسانة ، ولا تصريحات تجيب رعاش ، ولا أخبار عن خصخصة حاجة جديدة ، ولا عن مؤتمر للحزب الوثني بشعاره دين جديد مع عز حديد

و يجلعه عامر

من يكون ؟

يقولون

هو الكاتب و الأديب

هو الممرض و الطبيب

هو الفارس و الخطيب

و هو القائد المهيب

موحد الهلال و الصليب...

بل هو قدرنا الكئيب

ملاحظة ترسل الإجابات على ص ب 25 طره

في حالة عدم الرد ترسل على ص ب 25 أبو زعبل أو المزرعة أيهما أقرب

أخر معاد للتسليم :

قبل ما يموت

الجائزة

زنزانة فريدة من نوعها

وارد الخارج جميع الكماليات